La Guerra

La Guerra enkarguz egindako lana da. Soinu-piezak Espainiako Gerra Zibilaren agertokiak gogora ekartzen ditu eguneroko soinuen bidez: ekaitzak, hegazkinak, trenak, errepideak, kaioak eta hozkailuak. Soinu guztiak berariaz egindako grabazioetatik datoz, hainbat tokitan —Madril, Bartzelona eta Belchite, besteak beste—, eta leku horietan Gerra Zibila espazio huts, abandonatu eta askotan ahaztu horien poetikaren bidez agertzen da.

Konposizioak Gerra Zibilaren agertokiek izan dituzten aldaketak erakusten ditu, bai soinuari bai funtzioari dagokienez, eta gerra aktibo eta egunerokoaren aztarnak azaleratzen ditu; aztarna horiek eguneroko soinu horien esanahia berriro interpretatzera eta agertokiak berak berraztertzera eramaten gaituzte. Posible al da historia eta iragana pentsatzea historia horrek atzean utzitako lekuen eta hondakinen bidez? Zer dira Gerra Zibilaren arrastoak gordetzen dituzten espazio horiek?

Podcastarekin batera, artistak koordinatutako bi lankidetza daude. Lehena grabazioak egin ziren lekuetan ateratako argazki-sail bat da: argazkigintzaren eta fonografiaren arteko funtsezko desberdintasunei buruzko galdera formal bat planteatzen du, eta, aldi berean, lurralde horien erabilera komertziala —erabilera politiko bihurtzen dena— seinalatzen du. Bigarrena Jesús Carrilloren testu bat da, podcastak gerraz egiten dituen galderetan sakontzen duena.

Emisioak

Radio Reina Sofía (2013)

Eskerrak

Mila esker Cibeles Bello, Manuel Calurano, Jesús Carrillo, José Luis Espejo, Marcello Liberato, Blanca Rego eta Zacaríasi.